Chairman, Zee Entertainment
SACH : Dr. Subhash Chandra Show
SACH : Dr. Subhash Chandra Show
#SACH #SubhashChandraShow #z24kalak
Stay connected with us on social media platforms:
Subscribe us on YouTube
https://goo.gl/5v9imZ
Like us on Facebook
/ zee24kalak.in
Follow us on Twitter
/ zee24kalak
You can also visit us at:
http://zeenews.india.com/gujarati
About Subhash Chandra
Dr. Subhash Chandra, chairman of Zee Entertainment, has continued hosting his motivational talk show "SACH," where he has addressed topics including relationships, self-coaching, and the role of religion in society. In a June 2026 episode recorded at Zakir Husain Delhi College, Chandra discussed relationship-building, stating that "relationships are built without any give-and-take and such relationships last long." He also said that to build a relationship with someone, one must "come to their level" and cited the example of communicating with a driver in simple language. In other episodes, Chandra distinguished between "action" (goal-oriented, thoughtful work) and "activity" (routine existence), and argued that talent is inborn and cannot be transferred, contrary to what some coaching programs claim. He defined a good coach as someone who "only brings out what is inside you" rather than teaching new knowledge. Chandra also expressed views on religion, stating that "humanity is being divided by the narrow thinking of religion" and that most killings worldwide have religion as a basic factor. He described Hinduism, Islam, and Christianity as "ideologies or ways of worship, not dharma," asserting that "dharma is universal." On political matters, Chandra criticized opposition to the Char Dham Yatra in Uttarakhand, saying that while he accepts opposition to his government or party, "do not oppose the Char Dham Yatra," calling it a matter of dharma, the state's prosperity, and employment. He also encouraged service to the poor, suggesting that donating a percentage of one's income leads to household happiness and positive energy.
Transcript (59 segments)
✨ AI-enhanced transcript with speaker attribution
S
Subhash Chandra0:14
Tuhi ab, tuhi tab, tuhi kal tak hai, tuhi to falak hai, tuhi tera lak hai. Is pal mein jiyo, wakt ko jaane na, to ab dil mein jo aag hai use badh jaane do. Teri shaan ki pehchan ho kuch aisa kar, dekha na tera naam lega ye zamana, tera naam rahega ye zamana.
Namaskar, good afternoon, aadab. Aaj badi khushi hai mujhe ke yahan aapke beech mein is itni aitihasik institution mein mere aane ka mauka mila. Main apne darshakon ko bhi batana chahunga ki main aaj Zakir Hussain Delhi College se bol raha hoon. Aaj hum jis vishay par baat karenge: How do we build relationships? How do we not only build them, but maintain the relationships? How do we enjoy our relationships? Chahe woh relationship maa-bete ki ho, pita-putra ki ho, pati-patni ki ho, boyfriend-girlfriend ki ho, jo bhi relationship aaj sansar mein hai, uske bare mein aaj hum thodi charcha karenge. Aur thoda humari team ne jo package banaya hai, iske vishay mein aaiye dekhte hain.
Hum apne poore jeevan mein kitne logon se mil pate hain? 10,000, 20,000, 1 lakh. Aur in 1 lakh logon mein se hum kitne logon se sahi mayne mein jud pate hain? Aisi kya cheezein hain jo humein kuch logon se jodti hain aur kuch se nahin? Woh kaun si alag ya khaas baat hai jo logon ko humari taraf khinchti hai? In sawalon ka jawab hai: The Art of Building Relationship. Matlab, aisi kala jo aapko logon ke saath judne mein madad karti hai. Kuch logon ke liye rishte utne hi mahatvpurn hote hain jitna ki unka jeevan. Hum har din alag-alag logon se vaakif hote hain aur inmein se kuch logon se humara rishta jud jata hai. Isliye kehte hain: kisi ajnabi se is tarah mile ki woh aapka sabse achha jaan kar ban jaye.
Zindagi mein bahut baar aise tajurbe hote hain ki hum kisi anjaan aadmi se mile - kisi function mein, kisi one-to-one mein bhi mile, to bhi aap pahli baar mile hain us aadmi se. Ya to aapko aadmi bahut bha jata hai, aap usko ekdam se pasand karne lagte hain. Aur aisa bhi hota hai ki aap seedha kehte hain: 'Nahi yaar, yeh aadmi theek nahi,' ya 'Yeh mahila theek nahi hai.' Aapka koi background nahi hai, usse kabhi mile nahi, kabhi usko jaante nahi, pehchante nahi. To bhi aapke mann mein uske prati aakarshan hota hai ya phir nahi. 'I will not like to make a friend with this person.' Aisa hota hai kya? Bahut baar hota hai. Yeh kyun hota hai? Kabhi-kabhi socha humne: hum us aadmi ko jaante nahi, pehchante nahi, uske bare mein kuch achha hai, bura hai, kuch nahi jaante. Woh aadmi well-dressed bhi hai, dikhne mein bhi theek-thaak hai. Phir bhi hum kehte hain: 'Nahi, nahi, mujhe nahi pasand.' Yeh aisi cheez aksar hoti hai. Aur woh kyun? Kyunki jab bhi hum kisi ke sampark mein aate hain, chahe bhale haath na milaya ho, physically touch na kiya ho, phir bhi hum ek-dusre ke paas apni energy uske paas bhejte hain, uski energy apne paas lete hain. Kuch na kuch vibration wahan se humein milti hai, humari vibration unko milti hai. Kuch mann mein soch hoti hai. Aur yadi aapko aadmi pasand aata hai, to aapke andar sharir mein ek sensation upar se lekar neeche tak chalti hai jo sukhd sensation hoti hai. Woh sensation jo hoti hai, usko hum pasand karte hain. Isliye humein aadmi pasand hai. Actually, aapne apni sensations ko pasand kiya. Lekin humein apni sensation pahchani nahi jaati kyunki hum apne aapko itna train nahi kiye hue hain, itne active mind humara nahi rahta hai ki hum woh sensation jo humein achhi lagti hai iski wajah se hum us aadmi ko pasand karte hain. Lekin hum kehte hain: 'Yaar, woh aadmi pasand aaya.' Aur isi tarah se agar koi pasand nahi aaye, to aapke sensation jo hain woh dukhad sensation aapko chalegi sharir mein. You will not like that sensation. That's why you say, 'I don't like this person.' Kabhi karke dekhiega experiment.
Aapko abhi tak kya laga? Aap kuch share karna chahange relationships ke bare mein?
A
Audience Member5:52
Sir, maine ek cheez dekhi hai. Kya aap bahut hans rahe ho ya khush haj? To dusra wala bhi aapse baat karne ke liye bahut happy ho jata hai. To I think hansna aur khush rakhna dusre ko.
S
Subhash Chandra6:02
Hansna aur hansana. Very good. Bahut achhi baat hai.
A
Audience Member6:08
Sir, I think kisi ke relationship build karne ke liye, agar aap kisi samne wale se baat kar rahe hain, agar aap uska naam leke baat karenge to woh zyada mukhatib hoke aapse baat karega. Aur uski koi bhi problem ho ya koi bhi situation aisi ho, usko bade dhyan se, time lagake, empathy ke saath agar woh sunenge to I think ek relationship build hoga. Ji, aapne jo rishton ke naam diye, aapne maa-bete ka udaaharan diya, to woh jaane-maane udaaharan hain. Aur main soch rahi thi ki humari zindagi mein vyavhaarik zindagi mein hum itne saare logon se mukhatib hote hain, par hum unse aankh nahi milate hain. Chahe gate pe darwaan khada ho, mera driver ho, uski shakhsiyat main sirf uske professional se kar leti hoon. To jaise inhone kaha ki naam se vaakif hona, to hum kadar nahi karte bahut saare logon ki.
S
Subhash Chandra6:58
Very good. Bahut achha tha. Very good. Dekhiye, ek samay tha, jaisa aapne kaha, ek samay tha maine apna dekha hai aur aapke aapke andar koi beech mein log gaon ke thoda zindagi jaante ho to aaj bhi gaon mein hai. Agar gaon ka koi bhi aadmi poore gaon ko apna parivar samajhta tha. Ek samay tha aur aaj bhi hai. Yahaan tak ki, agar ek gaon ki ladki shaadi karke dusre gaon, dusre shahar mein chali gayi aur is gaon ka koi vyakti us shahar mein chala gaya to woh us ladki se milne zaroor jayega ki 'Mere gaon ki beti hai, us ghar mein rehti hai,' usko jaake ₹5 deke aayega, ₹1 deke aayega. Woh relationships thi. Aaj kyunki main samajhta hoon ki itni bhaag-daud zindagi mein ho gayi hai, itna hum stress mein jeete hain ki apni khud ki sudh-budh nahi rehti. Aur is wajah se main aapko yah kaha: maa-baap ka relationship, bhai-bete ka, bhai-bhai ka relationship unmein bhi tensions hain, unmein bhi darar hain, woh bhi theek se nahi chal rahi hain. Woh kyun nahi chal rahi? Kyunki humari expectations jo hain woh badh gayi hain. Transactional ho gaya hai. Sab ek bill aaya Parliament mein. Woh bill kya tha ki yadi koi bachcha, ladka ladki kisi bhi umr ka hai, agar uske maa ya baap unko tang kar rahe hain, pareshan karte hain, to woh ladka jaake police station mein bachcha complaint baap ke khilaf kar sakta hai. To yah kya ho gaya? Contractual relationship mein tabdeel ho gaya baap-bete ka rishta. Contract ho gaya ki main tumhen tang nahi karunga, main tumhen daantunga nahi, marunga nahi. Ab yeh kisine sujhaaya. Humne bade usko oppose kiya ki yah galat hai. Yeh aap America ka ek kanoon utha kar yahan la rahe hain. Wahan us country mein yani 60-70% shadiyaan divorce mein end up hoti hain. Pehli shadi, doosri shadi bhi 30% divorce mein convert hoti hai. Humare yahan aisa nahi hai. Wahan par baap drug leta hai, woh maarta hai bachche ko. Sautele bade bhai honge, sauteli ladki hogi, usko maarta hai. Kyunki relationship nahi hai. Ab aap usko lekar yahan laake is samaj ko thop rahe ho. Kyunki baap agar daantata bhi hai, maa daantati bhi hai aapko to aapke bhale ke liye daantati hai.
A
Audience Member9:53
Humare khayal se relationship banane ke liye kisi se banana chahein to humein uske level par aana bahut zaroori hota hai. Jaise hum driver se achhe relationship banana chahein to mujhe driver se hi usi saral bhasha mein baat karna chahiye. To is bare mein mere khayal se sabhi log agree karenge. Sir, pareshani wahan aati hai jo aap jaise oonche rutbe logon se relationship banana ho to bahut mushkil padta hai, kyunki neeche aana bahut aasan hota hai, oopar aana mushkil hota hai.
S
Subhash Chandra10:22
I don't know neecha aur ooncha ka paribhasha bhi kya hai? Maafi chahta hoon main. Aaj ke din hum dhan se, paise se, rutbe se kis jagah pe kya hain? Aap kis pad pe hain? Samne wala kya hai? Usse hum ooncha-neecha bana lete hain. Sabse pehle to main yah kahunga ki pehle to wahi aapne rishte par kaanchi laga di. Aakhirkar to, agar aapka driver bhi hai to woh bhi insaan hai, usko bhi thand lagti hai, usko bhi garmi lagti hai, usko bhi gussa aata hai, usko bhi pyaar chahiye jitna humein chahiye. To khair, agar us ek aadarsh cheez mein na bhi jaaye to mujhe yeh pata hai ki agar aapko apne se neeche rutbe wale, neeche ke aadmi se agar rishta banana hai to aapko uske level par neeche aana padega. Apne se oonche wale ka to uska nirbhar karta hai uski kitni ego, kitni badi hai. Jitni badi ego hogi, mujhe lagta hai ki aap bhi usse rishta nahi banana chahange. Pehle aisa hota tha ki hum log jo jaana pasand karte the apne relatives ke yahan jaana pasand karte the, jaise mama hai, khala hai, bua hai, unke yahan jaana pasand karte the. Lekin ab kya hai? Ab pasand karte hain hum malls mein jaana, ki kahin hum aisa jagah jaayen jahan par humare koi is tarah ke relatives na ho. Hum jo hai woh zyada materialistic hone lag gaye hain. Aap agar dekhen to pehla ek samay tha, kuch had tak abhi is desh mein to phir bhi hai, ki divorce kam hote hain humare desh mein. Agar is baat ke oopar thoda gahrai se sochenge, to jab shadi hoti hai, rishta aapas mein hota hai do parivaron ka, dono taraf se rishtedaar, friends, milne-jaane wale sab usmein bhaag lete hain. Aur jab bhi kahin aapas mein ladka-ladki mein jhagda hua kisi baat ko lekar, samaj poora ikattha hoke aa jata hai usko samjhaane ke liye, kyunki ownership jo us shadi ki thi woh poore samaj ne le li thi jis waqt woh shadi ho rahi thi, sab log uske witness the. Ab woh... aaj aisa suyog bhi aa gaya ki woh koi aadmi kehta hai, woh mohalle ke buzurg ko bhi tu kaun? 'Main khamakha, tu kaun hai? Mera jhagda ho raha hai, hone do.' To aaj kal jaldi se log beech mein aate bhi nahi hain, koi bulate bhi nahi hain. Lekin aaj ka vishay yahi hai ki kis prakar se hum isse niklein. Aur itna bhi agar soch le, kahin na kahin kisi back of mind ki agar rishte mere honge 20 logon se, lekin kuch rishte honge to kahin na kahin aapke dukh-sukh mein kaam aayenge.
Is vishay ke oopar thodi aur charcha karne se pehle, main aaj aapko aise shakhs se milana chahunga jisko milkar aapko achha to lagega hi aur kuch na kuch humein seekhne ko milega. Humare beech mein hain Omkarnath ji. Inko Medicine Baba ke naam se jaante hain log. Inke bare mein zara dekhen ki yeh kya karte hain, Delhi mein rehte huye.
N
Narrator14:00
Manav jivan ka uddeshya hai doosron ki madad karna. Haan sahab, hai koi job bekaron ki dawaon ka daan karenge, jo dawaiyan aapke kaam mein nahi aa rahi hain. Kya aapne kabhi socha hai ki jo dawaiyan aap istemal karne ke baad phenk dete hain woh kisi zarooratmand ke kaam aa sakti hain? Rajdhani Delhi mein aise baba hain jo ghar-ghar jaakar logon se dawaiyan maangte hain taaki un dawaiyon se kisi zarooratmand ki jaan bachayi ja sake. Medicine Baba ke naam se mashhoor Omkarnath Dakshin Pashchim Delhi ke Manglapuri mein rehte hain aur yahin se apni muhim chalate hain. Aap har mahine paanch hazaar se lakha tak ki dawaiyan jama kar zarooratmand logon ko dete hain. Public mein awareness jagani hai bhai, bache dawaiyan daan mein, na ke koodedaan mein. Medicine Baba ka ek hi sapna: garibon ke liye medicine bank ho apna.
Medicine Baba ko medicine bank chalane ki prerna Laxmi Nagar mein metro ke ek nirmaanadheen pul ke gir jane ke hadse ke baad mili. Aap sabhi logon se aagrah hai ki durghatna sthal ke aaspaas mat aaye. Is hadse mein Medicine Baba ne mahsoos kiya ki jo marij paison ke abhav mein dawaiyan nahi kharid pate, unke liye woh logon ke ghar-ghar jaakar dawaiyan jutayenge. Us waqt mere dimaag mein shock laga tha ki 'Yaar, yeh bada galat ho raha hai. Ek taraf dawai ke abhav mein aadmi mar raha hai aur doosri taraf dawaiyan sab dustbin mein ja rahi hain.' 'Bachi dawaiyan daan mein, na ki koodedaan mein' ki soch rakhne wale Omkarnath kehte hain ki woh logon se bheekh mein dawaiyan nahi, zarooratmand logon ki zindagi maangte hain.
S
Subhash Chandra15:56
Main aapko stage par bulaun usse pehle bataun ki 6:00 baje subah nikal jaate hain apne ghar se aur aapne film mein kuch notice kiya ki nahi, 12 saal ki umar mein inki ek accident ki wajah se, car accident mein cripple ho gaye the paanv se. Aapne dekha hoga. Par phir bhi aaj yeh 5-6 kilometer roz chalte hain apna yeh kaam karte huye. Medicine Baba, please come on the stage. Oopar aaiye. Aapka bahut-bahut swaagat hai yahan aane par. Jo mere darshak ghar baithe hue hain, kya kahenge unko?
O
Omkarnath, also known as Medicine Baba16:40
Main to sabse pehle kahunga ki yeh mera soubhagya hai ki mujhe itna bada platform mila hai samaj ke kaam karne ke liye. Isse bada platform main aur koi nahi samajh sakta. Baaki lakshya ek hi hai ki hum jo dawaiyan kachre mein daal rahe hain... Aur yeh nahi ki dawaiyan de raha hoon. Hospital bed, oxygen cylinder, nebulizer, suction machine, wheelchair, walker, physiotherapy equipment, aur to aur ek itni si machine hoti hai jo 50-60 hazaar se shuru hoti hai, oxygen concentrator machine jo patient around the clock oxygen... Woh bhi Baba ke paas garibon ke liye. Aur mera to ek hi lakshya hai ki main garib aadmiyon ko jitni bhi seva karoon, bahut kam hai.
S
Subhash Chandra17:21
Bahut achche. Aap koi prashn poochhna chahange? Medicine Baba se.
A
Audience Member17:28
Hum log agar medicines donate karna chahte hain to kahan kar sakte hain?
O
Omkarnath, also known as Medicine Baba17:32
Dekhiye, medicinebaba.in pe dekhenge, aap naam ka, ghar ka pata, address wagairah mil jayega. Par bade dukh ki baat hai ki address change hota rehta hai, kyunki main kiraaye ke jhuggi jhopdi mein rehta hoon, mera apna koi makaan nahi hai. Abhi bhi main Uttam Nagar mein hi hoon aur uske baad paas mein doosri jagah shift kar raha hoon. To yeh website aap dekhenge, medicinebaba.in, aapko bahut kuch jaankari milegi. Kam kar raha hoon aur jaise abhi friendship, relationship ki baat aa rahi hai. Are, mere to arba doost hain. Ek nahi, kisi marij ko to koi jaan-pahchan nahi, lawaris se, uske sar par haath fera, pyaar se, 'Babuji, aapko doctor ne koi parchi to nahi likhi?' Usne kaha, 'Babuji, likhi.' Maine kaha, 'Mujhe de do bhaiya.' Usne de di, uske dawai pahuncha di. Uski arba khushi itni ki dua milti, itni dua milti, 'Bhagwan ho.' Tab wahi energy aaj mere paas hai. Baaki is waqt to chal hi nahi sakta main achhe se. Aalakh ji!
S
Subhash Chandra18:25
Bahut achha. Aap achha kaam kar rahe hain.
O
Omkarnath, also known as Medicine Baba18:28
Haan. Are, aap mere se bade hain bhai. Bahut-bahut dhanyavaad.
S
Subhash Chandra18:36
To wapas agar us rishte ki kadi ko wapas uthayen. Aapke koi prashn kya hain?
A
Audience Member18:43
Mera sawaal yeh hai ki jo society class divided hai, badi machhli chhoti machhli ko ultimate analysis mein khati hai. To is class divide ko bridge karne ke liye aapka kya sandesh hai? Mera doosra sawaal yeh hai ki aapne kaha ki Hindustan mein jo shadiyaan hoti hain woh ek tarah se social ownership ke tahat hoti hain, yani ki usse romance ki apeksha kam hoti hai, jaisa ki West mein romance ki apeksha hoti hai. Yahan par woh rishta nibhane ki badhyata hoti hai. To in dono mein se aap kisako shreshth kahenge aur kyun? Aur teesra sawaal hai: aapne kaha ki maa-baap aur bete ke beech relationship keval isliye kharab ho raha hai ki maa-baap ki expectations badh rahi hain, relationships transactional ho gaye hain. To us mein main yeh kahana chahunga ki maa-baap to apne bete ke prati, aulad ke prati bade udar hote hain. Woh kuch bhi na bane, sab kuch sacrifice, woh expectation zaroor rakhte hain, 'Mera beta doctor ban jaye.' Lekin na banega, to apna sab kuch invest karte hain mohabbat. To yeh relationship jo damaged hui hai, West mein kya, Hindustan mein uska yahi context hai? Hum use transactional relationship kah sakte hain paribhasha ke star par.
S
Subhash Chandra19:44
Yeh class divide bhi humara banaya hua hai aur kyunki humne rishton ko transactional bana liya hai, us wajah se class divide bhi ho gaya hai. Ab jahan tak doosra aapka prashn raha ki main kaun si shadi ko achha maanta hoon, romance wali ya samaj dwara ki gayi? Main to yeh kah sakta hoon ki maine meri shadi samaj ne ki aur main khush hoon. Ab agar romance kiya hota aur woh shadi karta to shayad comment kar sakta. Teesri baat: aapne kaha ki maa-baap ka rishta to pavitra rishta hai. Sahi baat hai. Lekin aaj ke yug mein maine bahut se parivar aise dekhe hain. Maa ko to nahi hoti expectation. Maa ka rishta ek mujhe lagta hai ki bahut hi pavitra aur har cheez se hatke hai, har cheez se pare hai. Lekin aise pita maine bahut dekhe hain jab unka beta unke budhaape ki laathi nahi banta to usko gaaliyan dete huye humne suna. Expectations pita banata hai. Yeh bahut main yeh nahi kahunga ki saamaanya aur 100% log aise hain ya 90% log aise hain. Lekin 10% bhi pita agar apna expectation bachche se banate hain to woh rishton mein darar wahan aati hai. Mera itna hi kehna hai.
A
Audience Member21:28
Sir, as you earlier tell ki relation build karne ke liye aapko uske saath level par jaana padta hai. Jaisa aapne bataya ki koi banda hai, agar woh tharra bhi le raha hai to uske saath humein shayad tharra bhi lena pade kabhi-kabhaar. But, sir, society, humare parents ya aas-paas ka jo environment hai woh us cheez ke liye humare liye bounding create karta hai. Ki jaise hum kisi ke saath relation banana bhi chaah rahe hain, woh humare level ka nahi hai. Agar hum level mein bhi jaana chahte hain tab bhi bahut si problems aati hain usko face karne ke liye. Parents mana karte hain, society mana karti hai. To, sir, hum us tareeke se relation kis kaise bana sakte hain? Phir us problem ko kaise solve kar sakte hain?
S
Subhash Chandra22:08
Yeh to dekhiye, samay, rishte, rishte par nirbhar karta hai. Kahan samaj, kahan parivar aapko restrict karta hai. Har parivar ki apni ek kahani hai. Meri itni kshamata nahi hai ki main kisi ke parivar par kisi baat par comment kar sakoon. Lekin yadi rishta ek pavitra soch se, sahi tareeke se aap banana chah rahe hain, to mujhe nahi lagta ki koi samaj ya koi parivar usko rokta. Ab agar keval oonch-neech ke bharose agar koi aapka parivar rokta hai, to parivar ko samjha sakte hain. Aap mein bhi kshamata honi chahiye apne parivar ko samjhaane ki. Isliye communication aapas mein hona chahiye. Agar parivar ke andar aapas mein communication hoga to rishte tootenge nahi, usmein koi na koi hal nikalega. Lekin aaj ke din mein kya ho raha hai? Aap ghar mein dining table par baithte hain, beta alag mobile par laga hua hai message dene ke liye, beti alag lagi huyi hai. Aapas mein baat hi nahi karte hain aap. Dinner table par baithke bhi ghar mein sab mobile social media mein lage huye hain. Aap maa-baap, pita bhi kai kaam karte honge. Woh aate hain thake aaye hue, to aap us samay shayad aap so rahe hote ho. To kai parivaron mein aisa dekha gaya ki communication nahi hai parivar ke andar. Jab communication nahi hoga to rishton mein stress aayega. Kyun aayega? Kyunki aapne apne mann mein kuch cheez bana li ki 'Mere pita ne aaj subah yeh baat kahi. Are, unko yeh nahi kahna chahiye tha. Bura laga aapko.' Aapne andar mann mein rakh liya, usko gaath baandh li andar. Unse wapas communication nahi kiya ki 'Pitaji, aapne kyun kaha is baat ko?' To communication bahut zaroori hai kisi bhi rishte ko banana mein, kisi ko jodne mein. Mere vichar mein, aaj humanity ko ya communities ko divide karne mein religious religion ka jo narrow soch hai woh zimmedaar hai. Aaj jitni killings ho rahi hain poore world mein, religion is the basic factor. Religion ne jo hai humein divide kar diya hai. Kyunki religion ka narrow approach hamara rehta hai ki religion kya hai? Iska solution hai spiritualism. Ishwar ek hai. Main usko Khuda kehta hoon, doosra usko Bhagwan kehta hai, teesra usko God kehta hai. Humein religion se oopar uthna padega. Aur Ishwar ek hai. Mere aur aap mein, sab mein wahi aatma virajamaan hai. Mera aisa personally maanana hai. Yeh jo hum kehte hain Hindu dharm, Muslim dharm, Christian dharm, yeh dharm nahi hain. Yeh humare apne-apne vichardhara hain, apne-apne way of ibadat karne ke ek raaste hain, samaj mein jeene ke ek tareeke hain. Dharm saarvajanik hota hai. Dharm kisi ka akele ka nahi ho sakta. Yadi ek Hindu ko gussa aayega to woh apna nuksaan gusse mein karega hi karega. Woh kudrat jo hai woh yeh nahi dekhti ki yeh Hindu hai, badi pooja karta hai, isliye isko gussa aaya hai to iska nuksaan na karoon. Isko agar yeh vyabhichar kar raha hai to woh nuksaan apna karega hi karega, chahe Hindu ho, Muslim ho, Christian ho, koi bhi ho. To dharm saarvajanik hota hai. Humne dharm ko samjha hi nahi. Pehle to dharm ko samajhna padega, uske baad phir ispe aage chalna padega.
Chaliye, main ek humare yahan beech mein guest hain jinko aap milkar sab log khush honge. He is a psychiatrist and a public health expert who has devoted his career for 35 years to public service and academics and science. Ab inhone Shahdara ka jo mental hospital tha usko transform kiya, usko one of the best mental health facilities of the country create kiya. And he has a long track record of expertise in counseling, psychotherapy, and individuals and couples, family. Shayad unse poochhenge hum, shayad woh humein aaj ki samasya ka kuch hal bata sake. To main bulaata hoon Dr. Nimesh ji Desai, Director, Institute of Human Behaviour and Allied Sciences. Aaiye. Aap kuch zara detail mein batana chahange ki kaise aapne kiya yeh sab chamatkaar aur humein kya kahna chahange?
D
Dr. Nimesh Desai27:11
Main charcha sun raha tha aapne jo abhi conduct ki. Aaj ka jo vishay hai uske bare mein agar sankshep mein pehle tippani ki jaaye: Manav itihas mein har pehlu mein rishton ka mahatva raha hai, yeh hum sab samajhte hain. Shayad jo baat ab tak nahi ho paayi hai aur woh ye hai ki itihas aur vigyan, samaj vigyan aur manovigyan humein yeh sikhayega ki manav rishton mein badlaao aate rehna bhi aam hai. Jaise samajik dhancha badlega, takniki vikas hoga, rishte badlenge, rishton ki ahmiyat aur gahrai badlegi, rishton ke jo tareeke hain woh badlenge. To humein is badlaav ke saath cope karna hai, woh zaroori hai. Aapne, Dr. Chandra sahab, ek hint kiya tha beech mein jisko main thoda aur vistaar mein kahana chahunga ki 21vi sadi mein jo bhautikvaad chal pada hai, jo material success aur professional excellence of success ki jo dhaara chal padi hai, jo bahut achhi hai apne aap mein, ismein kahin hum rishton ki ahmiyat ko bhool na jaayein, kho na dein. Yeh shayad aaj ka sabse bada mantra ho.
S
Subhash Chandra28:18
Yeh sahi baat hai. Bilkul.
D
Dr. Nimesh Desai28:20
Kyunki success is the most important thing. Chahe woh young student ho, chahe woh professional ho, chahe woh businessman ho, koi bhi pesha ho, success aur khaaskar material success itna mahatva rakhta hai aaj ki duniya mein ki shayad rishton ki ahmiyat ko hum jaane-anjaane mein bhool jaayein.
S
Subhash Chandra28:36
Jaane-anjaane bhool ja rahe hain. Yeh na ho.
D
Dr. Nimesh Desai28:39
Yeh na ho. To uske liye kya kahana chahange aap? Jo humare yeh log bhi baithe hain aur ghar pe darshak bhi hain.
S
Subhash Chandra28:43
Haan ji.
D
Dr. Nimesh Desai28:43
Rishton ka jo saara tana-baana hai, usko unitary way mein ek roop mein dekh rahe hain. Agar gaur karen aadhe minute ke liye, kuch samay ke rishte ho, thodi jaan-pehchan ho, lambe arse ke rishte ho, contractual rishte ho, dil ke rishte ho, kaam dhandhe ke rishte ho. Alag-alag rishton ki pehchan aur uski gahrai aur uski garima ko samajh ke agar hum nibha sakhen to woh behtar hoga.
S
Subhash Chandra29:09
Ji ji.
D
Dr. Nimesh Desai29:10
Kyunki agar hum galati karenge ki sab rishton ko ek hi dhanche se dekhein... Main niji roop se yakeenan maanta hoon ki professional teams humari, hospital ki team hai, teams mein achhi coordination honi hai. Lekin kya yeh zaroori hai ki har professional team ki tarah ho?
S
Subhash Chandra29:32
Nahi, koi aavashyak nahi hai.
D
Dr. Nimesh Desai29:34
Aur main nahi maanta hoon.
S
Subhash Chandra29:35
Mujhe khushi aap kah rahe hain.
D
Dr. Nimesh Desai29:36
Theek baat hai. Parivar apni jagah parivar ki tarah rahe, jo professional team hai woh apni jagah professional team ki rahe, yeh zaroori hai. To woh jisko aap vibration kah rahe the, usko manovaigyanik explanation yeh hai ki humare mann mein, humare mann-mastishk mein jo hum lekar chal rahe hain impressions woh humare vartamaan aur bhavishya ko bhi rishton ko tay karega.
S
Subhash Chandra29:56
Bilkul theek.
D
Dr. Nimesh Desai29:57
Aur uske baad baat banegi hum usko kitna nibhate hain.
S
Subhash Chandra30:00
Kitna nibha paate? Ek aakhri mein baat kahana chahunga is kadi mein. Jo baat kahi gayi inhone, Desai sahab ne kahi thi, naam ki aapne Chandra sahab zikr kiya, 20 saalon mein karib hum log team effort se Shahdara ka purana mental hospital ek achhe mental health facility mein convert kar paaye hain. Us mein bahut saare vyaktiyon ka bahut saara yogdaan hai. Lekin ek chhoti si baat jo inhone kahi thi woh hai: Koshish yeh hai ki sarkari aspataal mein jo purana mental hospital tha, na sirf ward mein lekin OPD mein har vyakti se baat ki jaati hai uske naam se.
D
Dr. Nimesh Desai30:34
Ji ji. Aur na sirf uske saath baatcheet naam se ho, lekin uske baare mein agar do doctor baatcheet kar rahe hain, aap mere senior hain, agar main aapko report kar raha hoon, to yeh nahi ki woh bed number 10, woh schizophrenia ka marij, baat karo, naam lekar ki 'Murali Lal sahab jinko hum treat kar rahe the, unko ab fayda ho gaya hai to ab unko ghar bhej sakte hain.' Beshak itni si itni si baat mein bada fark pad jaata hai.
S
Subhash Chandra31:02
Aapke kya sawaal honge Dr. Desai se?
A
Audience Member31:06
Kya suggestion denge ki agar koi depression mein hai, depressed aadmi hai to woh apne relationships ko professional life aur social life mein kaise maintain kar sakta hai?
D
Dr. Nimesh Desai31:14
Salah meri rahegi aise vyaktiyon ke mitrgan se aur unke parivar ke sadasyon se. Agar maslan aapko ya mujhe avsaad ki bimari hai, depression se agar hum guzar rahe hain, to hum zaroor koshish karein. Hum koshish karein ki doston se baatcheet karein. Lekin ho sakta hai main mere depression ke kaaran koshish mein safal na ho paoon. Dayitva banega, Chandra sahab, samajik naitik dayitva banega. Ird-gird ke logon, uske aaspaas ke logon ka dayitva ban jaata hai ki unki madad karein.
S
Subhash Chandra31:41
Unki madad karein. Balki hum zaroor yeh kahana chahange. Aapne badi achhi baat kahi. Sir, depression aaj ek public health problem bahut bada hai.
D
Dr. Nimesh Desai31:47
Haan, bada ban gaya. Chaar charan hain depression ya koi bhi aisi mansik pareshani ho, rishton ke sandarbh mein. Jaise koi vyakti madad kar sake: agar mujhe depression thoda sa mahsoos ho raha hai to main self-help kar loon, pehli baat main khud ki madad kar loon, agar kar sakoon to bahut achhi baat hai. Step one. Agar woh fail ho jaaye, to mujh mein himmat ho, main madad maangoon mitron ki, parivar ke vyaktiyon ki, aur woh aage aaye madad karne ke liye. Na ho sake, teesra charan hai counseling ka. Hum ab bhi dawaiyon, doctor sahab...
S
Subhash Chandra32:17
Sir, aksar maine jo dekha hai jisko depression hai woh batata nahi hai. Ladka ya ladki, youth khaas kar ke.
D
Dr. Nimesh Desai32:26
Yeh bahut badi baat hai.
S
Subhash Chandra32:27
Yeh badi problem hai ki woh apna 'mujhe depression hai' karke kisi ko dikhana nahi chahta.
D
Dr. Nimesh Desai32:32
Samajik sachchai yeh hai ki hum mansik takleef ko kamzori samajhte hain.
S
Subhash Chandra32:38
Kamzori samajhne lag jaate. Depression hona aanshvanshik ya biological kaaran se zyada sambhav hai. Thode mansik ya samajik kaaran zaroor ho sakte hain, parivar mein kuch ho, meri koi soch galat ho, negative ho. Lekin mote taur pe kisi aur bimari ki tarah, diabetes, blood pressure ki tarah, depression ko ya schizophrenia ko, sharaab ki bimari ko, vyasan ki bimari ko, bimari ke roop mein samjha jaaye. To jo aap kah rahe hain, woh jo stigma hai, woh jhijhak hai madad maangne ki, kahne ki ki 'Main pareshan hoon.' Main aksar yeh kehta hoon radio pe, TV pe, aur yahan phir kahana chahunga ki agar hum mein se koi pareshan hai to hum mein naitik himmat honi chahiye aur hum naitik himmat jutayen yeh kahne ki ki hum pareshan hain. Lekin yeh naitik himmat, sahab, aap ittefaq karenge, main tabhi juta paunga agar samne walon ka response achha hoga.
Achha hoga tabhi.
D
Dr. Nimesh Desai33:29
Agar samajik mahaul aur attitude, soch achhi banegi to hum himmat juta payenge woh kahne ki. Isliye yeh badi baat hai ki rishte banana zaroori hai aur rishte jab rahenge to aadmi akelapan mahsoos nahi karega. Akelapan mahsoos nahi karega to kuch kisi na kisi ko apna dukh-dard bata sakega ya matlab us mein yeh sab cheezein jo psychiatrist ko batane wali baat hoti hai woh nahi hogi. Hamari zaroorat isliye hai. Badnaseebi ki baat hai, manovaigyanikon ki aur manochikitsak ki zaroorat isliye zyada badhti ja rahi hai ki rishte kam hote rahein, kamzor ho rahe hain.
S
Subhash Chandra34:05
Kamzor ho rahe hain.
D
Dr. Nimesh Desai34:06
Humari zaroorat jitni kam hogi humein khushi hogi. Pehla charan tha self-help. Second friends and family. Third counseling. Medical doctors ke paas jaana zaroori nahi hai. Counselor baatcheet karke, wohi hua jo rishte swabhavik roop se samaj mein nahi ban pa rahe hain, woh thoda professional roop mein counseling mein ho gaye. Agar sach mein gambhir mansik bimari ho, depression ho, to zaroor himmat jutani chahiye ilaaj karwane ki, dawaiyon se bhi, baaki prakar se bhi. Lekin woh antim charan hai. Humein is samaj mein zaroorat hai mansik bimariyon ko pahchaanne ki, mansik bimariyon ka ilaaj karke unki chetna badhane ki. Lekin saath-saath jo samajik strengths hamari hain rishton ko lekar aur saath unko hum na khoyen. Insha-Allah, Bhagwan kare.
S
Subhash Chandra34:55
Thank you. Thank you very much, doston. To chaliye, jaisa Dr. Desai ne kaha aur main bhi maanta hoon aur aap bhi sab maanenge ki, rishton ko kadar agar hum karna seekhein, rishte bahut kaam aate hain doston. Aur usmein kuch khone jaisa hai nahi, paane hi paane jaisa hai. Lekin apna mind open rakhein. Samne wale ko keval isliye na rishta banayein ki aapko unse kuch lena hai ya kuch dena hai. Bina len-den ke bhi rishte bante hain aur wahi rishte lambe chalte hain. Iske saath hi, thank you very much. Jai Hind.